खेलकुद

एएफसी यू–१९ महिला च्याम्पियनसिपमा नेपालले आज म्यानमारको सामना गर्दै

एएफसी यू–१९ महिला च्याम्पियनसिप छनोट अन्तर्गत दोस्रो चरणको छनोटको अन्तिम खेलमा नेपालले आज आयोजक म्यानमारसंग खेल्दैछ ।

म्यानमारमा जारी छनोटको अघिल्लो दुई खेलमा पराजित नेपालले अन्तिम खेलमा आयोजकसंग खेल्न लागेको हो । मण्डलेस्थित मण्डलर थिरी स्टेडियममा नेपाल र म्यानमारबीचको खेल नेपाली समय अनुसार ३स्१५ मा सुरु हुनेछ ।

घरेलु टोलीविरुद्ध मैदान उत्रदा नेपाल सान्त्वना जितको खोजीमा हुनेछ । सुरुवाती दुई खेल गुमाएको नेपालको अर्को चरण पुग्ने सम्भावना भने सकिएको छ । तर, नेपाल घरेलु टोलीलाई रोक्दै अंक जोडेर घर फर्कन चाहन्छ ।

दुई खेल सकिँदा नेपालले अंक जोड्न सकेको छैन । त्यसैले बलियो टोली म्यानमारलाई रोक्न नेपाललाई कठिन भने हुनेछ । म्यानमार पनि नेपाललाई पराजित गर्दै अर्को चरणमा पुग्ने लक्ष्यमा हुनेछ । म्यानमार ३ अंक जोडेर दोस्रो स्थानमा छ । अष्ट्रेलिया ६ अंक जोडेर शीर्ष स्थानमा छ ।

छनोटको पहिलो खेलमा नेपालले अष्ट्रेलियासंग ११(१ गोलको फराकिलो हार व्यहोरेको थियो । यस्तै दोस्रो खेलमा नेपाल उज्वेकिस्तानसंग ४(० ले पराजित भएको थियो ।

छनोटको शीर्ष टोलीले एएफसी यू(१९ च्याम्पियनसिपमा स्थान बनाउने छन् ।

स्रोतRadin NRN